AQSh Prezidenti Donald Tramp Qurama Shtatlar onlaǵan xalıqaralıq shólkemlerden, BMSh quramındaǵı strukturalardan, sonıń ishinde, klimat boyınsha áhmiyetli shártnamadan, gender teńligi hám hayal-qızlardıń huqıqı menen imkaniyatın keńeytiw maqsetinde jumıs alıp baratuǵın uyımnan shıǵıp ketetuǵının járiyaladı. Amerika jetekshisiniń pikirinshe, bunday mákemeler “AQSh milliy mápine qayshı háreket etedi”.
Bul haqqında “Reuters” agentligi xabar tarqatqan. Tramptıń tiyisli pármanı barlıq federal agentliklerden BMSh janındaǵı 31 hám jáne 35 túrli shólkemlerde qatnasıw, belgili bir joybarlar qarjılandırılıwına shek qoyıwdı talap etedi.
Bizge belgili, Tramp BMSh hám basqa da xalıqaralıq strukturalardıń nátiyjeliligi, qárejeti hám juwapkershiligin bir neshe márte sorawǵa qoyǵan, bunday jumıs kóbinese mámleketi rawajlanıwına xızmet etpeytuǵının atap ótken. Bir jıl aldın ekinshi márte basqarıwǵa kelgende, ol ótken waqıt dawamında BMShqa ajıratılatuǵın qarjını azaytıwǵa háreket etti. Sonıń ishinde, Amerikanıń Insan huqıqları keńesindegi qatnasıwın toqtattı, mádeniyat shólkemi – YuNESKOdan shıqtı. Sonday-aq, Jáhán densawlıqtı saqlaw shólkemi hám Parij klimat kelisiminen de shıǵıw rejesin járiyaladı.
Bul dizimge Sawda hám rawajlanıw boyınsha konferenciya, Xalıqaralıq energetika forumı, Dástúriy qurallar reestri hám Tınıshlıqtı tiklew komissiyası da kirgizilgen.

G.Sattorova, ÓzA