Saudiya Arabstanı Patshalıǵı sırt el investorlarınıń mámleket fond bazarına kiriwine qoyılǵan sheklewdi biykar etpekte.
Kapital tartıw boyınsha háreketti rawajlandırıw maqsetinde Saudiya mámleket tariyxındaǵı eń iri finans bazarın liberallastırıw baslamasın alǵa qoydı.
Atap aytqanda, Kapital bazarı basqarması tárepinen maman sırt el investorı rejimi biykar etilmekte. Usı jıl 1-fevraldan barlıq sırt el investorları “Tawadul” fond birjasında satılatuǵın akciyalardı satıp alıwı múmkin.
Házirge shekem tek ǵana 500 million dollar muǵdarında basqarıw aktivine iye iri sırt el investorları usı birjaǵa kire alǵan.
“Gulf news” xabarına bola, “Tawadul” fond indeksiniń ulıwma kórsetkishi ótken jılı 13 procent tómenledi. Sol sebepli rásmiyler xalıqaralıq kólemde kapital tartıw arqalı sawda jumısın kúsheytiw niyetinde.

G.Sattorova, ÓzA