Ózbekstan Respublikası Ishki isler ministrliginiń Jol háreketi qáwipsizligi xızmeti baslıǵı, polkovnik Sh.Ibragimov tárepinen Qaraqalpaqstan Respublikasında gúzgi-qısqı máwsimge tayarlıq jaǵdayı úyrenildi.

Úyreniwler dawamında Qaraózek rayonı aymaǵınan ótiwshi A-380 “Ǵuzar-Buxara-Nókis-Beynew” avtomobil jolınıń 673-698-kilometrleri aralıǵında ámelge asırılıp atırǵan rekonstrukciya jumısları, sonday-aq, Bestóbe JPX postında xızmet alıp barıp atırǵan xızmetkerlerdiń jumısı hám xızmetti shólkemlestiriw máseleleri kózden ótkerildi.
Sonday-aq, Taqıyatas rayonı Jollardan turaqlı paydalanıw mámleketlik mákemesi kárxanasınıń qıs máwsimine tayarlıq dárejesi, arnawlı texnika hám materiallıq-texnikalıq támiyinleniw jaǵdayı úyrenildi.
Bunnan tısqarı, Taqıyatas rayonı aymaǵındaǵı D-154 L avtomobil jolınıń 1,3-4,8 kilometr aralıǵında skuter hám velosiped aydawshılar ushın mólsherlengen arnawlı jol shólkemlestiriw hám Nókis qalası aymaǵındaǵı A-380 avtomobil jolınıń 773-kilometrinde aylanba háreketleniwshi jol shólkemlestiriw boyınsha islep shıǵılǵan joybarlar kórip shıǵıldı.
Sonıń menen birge, Hákimshilik ámeliyat orayı, Dizimnen ótkeriw hám imtixan alıw bólimleri hám JPX batalonınıń xızmet jumısı úyrenildi.

Qaraqalpaqstan xabar agentligi