Qaraqalpaqstan Respublikası prokurorı Sh.Aminovtıń qatnasıwında Ellikqala, Beruniy rayonlarınıń belsendileri, juwapker uyım hám shólkemlerdiń basshıları menen jınayatshılıq hám huqıqbuzarlıqlardıń aldın alıw, sociallıq hám ekonomikalıq máseleler boyınsha keńeytilgen májilis ótkerildi.

Prezidenttiń 2025-jıl 3-yanvardaǵı “2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında”ǵı qararınıń orınlanıwı jáne xalıqtıń bántligin támiyinlew, kámbaǵallıqtı qısqartıw, isbilermenlikti rawajlandırıw hám kommerciyalıq banklerde mashqalalı kredit qarızdarlıqların óndiriw baǵdarındaǵı jumıslar sın kózqarastan dodalandı.
Májiliste profilaktikalıq ilajlardı nátiyjeli shólkemlestiriw, jumıssızlar hám jaslar arasında jınayat hám huqıqbuzarlıqlar júz beriwiniń aldın alıw, kem támiyinlengen, kámbaǵallıq reestrine kirgizilgen shańaraqlardıń mashqalaların úyreniw, janılǵı-energiya resurslarınan aqılǵa uǵras paydalanıw, reyd ilajların kúsheytiw, jasırın ekonomikanı keltirip shıǵarıwshı faktorlardı anıqlaw hám saplastırıw, mámleketlik baǵdarlamalar sheńberindegi sociallıq taraw obektlerindegi qurılıs-ońlaw jumıslarınıń sapası hám óz waqtında juwmaqlanıwı boyınsha juwapkerlerge tiyisli tapsırma hám kórsetpeler berildi.

Qaraqalpaqstan xabar agentligi.