Ótken jılı Ózbekstan eksportı $33,4 milliard dollarǵa jetip, 2024-jılǵa salıstırǵanda 23 procentke arttı. Bul haqqında Ózbekstan Respublikası Investiciyalar, sanaat hám sawda ministrligi maǵlıwmat berdi.

Atap ótilgenindey, eksport geografiyası 131 mámleketti qamtıp aldı. 2026-jılı bul kórsetkish $40 milliard dollardı qurawı kútilmekte.
Eksport kóleminiń ósiwi, bárinen burın, jańa baǵdarlar esabınan támiyinlendi. Sonıń ishinde, IT-xızmetler $940 million dollar, turizm $5,0 milliard dollar, sonday-aq, azıq-awqat ónimleri hám qurılıs materiallarınıń hár biri $1,1 milliard dollardı qurap, eksporttıń áhmiyetli dereklerine aylandı. Bul baǵdarlar eksport quramınıń turaqlı keńeyiwin hám diversifikaciyasın támiyinlemekte.
Ótken jılı Ózbekstanda ózlestirilgen investiciyalardıń ulıwma kólemi 43,1 milliard dollarǵa jetip, 2024-jılǵa salıstırǵanda 24 procentke arttı. Tiykarǵı úlesti tikkeley sırt el investiciyaları – $38,2 milliard, sonday-aq, xalıqaralıq finans institutlarınıń qarjıları – $4,9 milliard quradı.
Ózbekstan bazarına jetekshi jáhán brendleriniń kirip keliwi hám Qıtay, Rossiya, Túrkiya, Saudiya Arabstanı hám BAÁ menen birge islesiwdiń izbe-iz rawajlanıwı investiciyalıq isenimniń artıp baratırǵanınan derek beretuǵının atap ótiw kerek.

Gwzal Sattorova, ÓzA