Iranda húkimetke qarsı kóterilisler 10 kúnnen berli dawam etpekte. Maǵlıwmatlarǵa bola, házirgi waqıtqa shekem keminde 29 adam qurban bolǵan.

Ayırım dereklerde mámlekette birinshi márte bir qala oraylıq hákimiyat qadaǵalawınan shıqqanı aytılıp atır. Málim etiliwinshe, ol jerde policiya imaratı da iyelep alınǵan, kúsh isletiwshi strukturalar qarsılıq kórsete almaǵan. Hátteki, ayırım xızmetkerler de narazı puqaralar tárepine ótkeni aytılmaqta. Biraq bul maǵlıwmatlar házirshe rásmiy derekler tárepinen tastıyıqlanbaǵan.
Sonıń menen birge, qáwipsizlik kúshleri olardı tarqatıw ushın oq-dári hám kózdi jaslandırıwshı gaz qollanǵan. Soǵan qaramastan, narazılıqtı tolıq bastırıwǵa elege shekem erisilmegen.
Irandaǵı insan huqıqları belsendileriniń maǵlıwmatlarına bola, narazılıq akciyaları 27 wálayattaǵı 88 qalanı qamtıp alǵan. Keminde 1200 shaxs qolǵa alınǵan.

Qaraqalpaqstan xabar agentligi