Jınayat isleri boyınsha Bozataw rayonı sudınıń tergew sudyası Q.Qıpshaqbaev tárepinen Ámiwdárya rayonındaǵı mámleketlik salıq inspekciyası imaratında ashıq kóshpeli sud májilisi ótkerildi.

Onda Ózbekstan Respublikası Hákimshilik juwapkershilik haqqındaǵı kodeksinde kórsetilgen huqıqbuzarlıqlardı islegeni ushın ayıplanǵan 21 shaxsqa toplanǵan is materialları kórip shıǵıldı hám tiyisli tártipte nızamlı jaza tayınlandı.
Ótkerilgen bul ashıq sud májilisi elimizde ashıq-aydınlıqtı támiyinlew, ádil sudlawdı ámelge asırıw, puqaralardıń konstituciyalıq huqıqları menen erkinliklerin sud arqalı isenimli qorǵaw hám olardıń nızamlı máplerin támiyinlew baǵdarındaǵı alıp barılıp atırǵan reformalardıń ayqın kórinisi bolıp tabıladı.

Qaraqalpaqstan xabar agentligi