Huqıqıy qatnas

Bizge belgili, hawanıń pataslanıwı insan salamatlıǵına unamsız tásir kórsetip, allergiya hám dem alıw sisteması keselliklerin keltirip shıǵaratuǵın sebeplerden biri bolıp esaplanadı. Sonlıqtan, mámleketimizde atmosfera hawasına shıǵıp atırǵan pataslandırıwshı zatlardıń taslanıwınıń aldın alıw, onı keskin azaytıw boyınsha anıq ilajlar ámelge asırılıp kelinbekte.
Tashkent mámleketlik yuridikalıq universiteti Yuridikalıq klinikasınıń xızmetkeri Imomali Tuev bul boyınsha tómendegishe túsinik berdi:
– Ministrler Kabinetiniń sanaat kárxanalarınıń qorshaǵan ortalıqqa unamsız tásirin azaytıwdı támiyinlew ilajları haqqındaǵı 783-sanlı qararında jumısı atmosfera hawasına pataslandırıwshı zatlardı, biologiyalıq organizmlerdi, ıssıxana gazlerin hám ozondı buzıwshı zatlardı shıǵarıw hám oǵan fizikalıq faktorlardıń zıyanlı tásir kórsetiwi menen baylanıslı bolǵan kárxanalar, mákemeler hám shólkemler atmosfera hawasına shıǵarılatuǵın shıǵındılardı tazalaw hám oǵan zıyanlı fizikalıq tásirdi azaytıw ushın qurılmalar hám ásbap-úskenelerden, sonday-aq, olardıń ústinen qadaǵalaw qurallarınan paydalanıw hám olardıń islew qaǵıydalarına ámel etiwi, sonday-aq, joqarı nátiyjelilikke iye shań-gaz tazalaw úskeneleri hám lokal suw tazalaw qurılmalardı ornatıwı belgilep qoyılǵan.
Kárxanada ekologiyalıq kórsetkishlerdi jaqsılaw ushın joqarı nátiyjelilikke iye shań-gaz tazalaw úskeneleri hám jergilikli suw tazalaw imaratların engiziw hám modernizaciyalaw jumısları ámelge asırıladı.
Máselen, bul ilajlar sheńberinde shıǵındı aǵımların tolıq qamtıp alatuǵın filtrlew qurılmaların ornatıw tiykarǵı texnologiyalıq sheshim sıpatında belgilenedi. Yaǵnıy, kárxana, mákeme hám shólkemlerdiń minnetlemelerinen biri, olardıń qubırlarına filtrlew úskenelerin ornatıwı belgilengen.

Gulnoza Boboeva, ÓzA