Qaraqalpaqstan Respublikası Ministrler Keńesiniń Baslıǵı F.Ermanov hám Saudiya Arabstanınıń iri “Saudi tabreed” kompaniyasınıń bas direktorı Suliman Al-Xlivi qatnasıwında videobaylanıs arqalı ushırasıw bolıp ótti.

Onda tárepler Nókis qalasınıń bar bolǵan ıssılıq támiynatı infrastrukturasın modernizaciyalaw, energiya nátiyjeliligin arttırıw , zamanagóy hám ekologiyalıq taza texnologiyalardı engiziw máselelerin dodaladı. Sonday-aq, joybar sheńberinde investiciyalardı tartıw, aldınǵı xalıqaralıq tájiriybeni qollanıw hám uzaq múddetli birge islesiwdi jolǵa qoyıw boyınsha pikirlesti.
Kompaniya bas direktorı Suliman Al-Xlivi óz gezeginde oraylasqan ıssılıq támiynatı tarawında ámelge asırılǵan tabıslı joybarlar tájiriybesi haqqında aytıp berip, Nókis qalasında bul baǵdarda perspektivalı joybarlardı ámelge asırıwǵa qızıǵıwshılıq bildirdi.
Ushırasıw juwmaǵında tárepler keleshekte texnikalıq-ekonomikalıq tiykarlardı islep shıǵıw, maman qánigeler dárejesinde sóylesiwlerdi dawam ettiriw boyınsha kelisimge eristi.

Qaraqalpaqstan xabar agentligi