Shveycariya húkimeti Venesuelanıń burınǵı basshısı Nikolas Maduro hám oǵan baylanıslı shaxslar atına rásmiylestirilgen barlıq aktivlerdi dárhal “muzlatıw” haqqında qarar qabıl etti.

Atap ótiliwinshe, Federal keńes qáwipsizlik ilajı sıpatında Maduro hám onıń jaqın toparına tiyisli shaxslardıń Shveycariyada bolıwı múmkin bolǵan múlklerin tórt jıl múddetke muzlatıwǵa qarar etken. Házirshe aktivler yamasa olardıń muǵdarı haqqında hesh qanday maǵlıwmat berilmegen.
– Federal keńes házirgi jaǵdayda nızamsız jol menen arttırılıwı múmkin bolǵan aktivler Shveycariyadan alıp shıǵıp ketilmewin támiyinlewdi qáleydi, – delinedi rásmiy derekte.
Esletip ótemiz, Shveycariya 2018-jıldan berli Venesuelaǵa qarsı sankciyalar engizip kelmekte. AQSh, Kanada hám Evropa Awqamı bolsa 2017-jılı-aq Karakas penen finanslıq hám ekonomikalıq baylanıslarǵa sheklewler kirgizgen edi.
Eger keleshektegi sud processlerinde bul qarjılar nızamsız jol menen qolǵa kirgizilgeni tastıyıqlansa, Shveycariya olardı Venesuela xalqınıń mápleri jolında qaytarıwǵa háreket etedi.

Musulmon Ziyo, ÓzA