Házirgi waqıtta mobil baylanıs xızmetleri xalıqtıń kúndelikli turmısında úlken áhmiyetke iye bolıp barmaqta. Internet, qońırawlar hám sanlı xızmetlersiz bilimlendiriwdi de, biznesti de, sociallıq turmıstı da kóz aldımızǵa keltire almaymız. Sol sebepli mobil baylanıs bahalarındaǵı hár qanday ózgeris xalıqtıń keń qatlamlarına tikkeley tásir etedi.

Milliy statistika komiteti maǵlıwmatlarına bola, 2025-jıldıń noyabr ayında mobil baylanıs xızmetleriniń bahaları oktyabr ayına salıstırǵanda ortasha 0,5 procentke artqan. Eń itibarlı tárepi sonda, jıl basınan berli bul xızmetler 9,8 procentke qımbatlaǵan.
Bahalardıń 9,8 procentke artıwı, bir qaraǵanda úlken kórsetkish bolıp kórinbewi múmkin. Biraq, turaqlı túrde mobil baylanıstan paydalanatuǵın xalıq ushın bul qárejetler sezilerli dárejede artıwına alıp keledi. Aylıq tarif rejeleriniń qımbatlawı shańaraqlıq byudjetke qosımsha basım bolıwı múmkin, ásirese bir shańaraqta bir neshe abonent bolsa.
Sonıń menen birge, qánigeler mobil baylanıs bazarında básekiniń bar ekenligi bahalardıń keskin artıp ketiwin sheklep atırǵanın atap ótpekte. Operatorlar abonentlerdi saqlap qalıw ushın túrli akciyalar, paketler hám bonuslardı usınıs etiwge májbúr.
Ayırım jaǵdaylarda tarif bahaları arttırılǵan bolsa da, paket kólemi keńeytiliwi yamasa qosımsha xızmetler kirgiziliwi arqalı bul ósiw jumsartılmaqta.
2025-jıldıń basınan berli mobil baylanıs xızmetleri bahalarınıń 9,8 procentke artqanı ekonomikalıq faktorlar menen túsindiriledi. Bul process xalıqtıń kúndelikli qárejetlerine tásir etip atırǵan bolsa da, xızmetlerdiń sapası hám qamtıp alıwınıń keńeyiwi menen teńlestirilmekte.

ÓzA