Iranda milliy valyuta bahasınıń keskin túsiwinen keyin baslanǵan ǵalabalıq narazılıq kóterilisleri dawam etpekte. Atap ótiliwinshe, bul mitinglerde sońǵı toǵız kún ishinde keminde 35 adam qaytıs bolǵan, 1200 den aslam puqara qamaqqa alınǵan.

“Human Rights Activists in Iran” hám “HRANA” maǵlıwmatlarına bola, dekabr ayınıń aqırınan berli narazılıq háreketleri mámlekettiń 27 wálayatındaǵı 88 qala hám elatlı punktlerdi qamtıp alǵan.
Tegerandaǵı oraylıq bazarda sawdagerlerdiń is taslawı menen baslanǵan mitingler 28-dekabrden berli dawam etpekte. 29-dekabr kúni Iran milliy valyutası – rial kursı eń tómen dárejeni kórsetken. Jáhán banki maǵlıwmatlarına bola, oktyabr ayında Iranda azıq-awqat inflyaciyası 64 procentten artqan.

D.Hakimov, ÓzA