Bizge belgili, Prezidentimizdiń 2022-jıl 11-apreldegi “Máhállelerde jaslardı ǵalabalıq sportqa tartıwdı jańa basqıshqa alıp shıǵıw ilajları haqqında”ǵı qararına tiykarlanıp jaslar arasında “Bes baslama olimpiadası” jarısları jolǵa qoyılǵan.

“Bes baslama olimpiadası”nıń bıyılǵı máwsiminde birinshi márte máhállelerdegi 30 jastan joqarı bolǵan xalıqtıń arasında sporttıń mini futbol, voleybol, stritbol, stol tennisi, vorkaut, shaxmat hám shashka túrleri boyınsha 3 basqıshlı jarıslar da shólkemlestirildi.
Aymaqlarda jaslardıń potencialın júzege shıǵarıp kiyatırǵan “Bes baslama olimpiadası” jıl dawamında qızǵın dawam etti. Jıllıq aymaqlıq nátiyjeler bolsa bunı ayqın dálilleydi.
Jıldıń aqırına shekem “Zakovat”, “Sheber pianinoshı”, “Jas kitapqumar shańaraq” hám “Kásipler tańlawı” sıyaqlı úlken tańlawlardıń respublikalıq basqıshları ótkerildi hám jańa qaharmanlar tabıldı.
Jaslar isleri agentligi qaysı aymaq jasları neshe medaldı qolǵa kirgizgenin járiyaladı.

Gulnoza Boboeva, ÓzA