AQSh Prezidenti Donald Tramp bir hápte aldın waqıyadan júdá ashıwlanǵanına, bunday háreketti qabıl etip bolmaytuǵının aytqanına qaramastan, dekabr ayınıń aqırında Ukraina dronları Rossiya basshısı Vladimir Putinniń rezidenciyasına hújim etkenine gúmanlandı.

– Bul hújim haqıyqatında da ámelge asırılǵanına isenbeymen, – degen ol jurnalistlerge. – Jaqında bir nárse boldı, biraq bul waqıyaǵa qatnası joq…
RF sırtqı isler ministri Sergey Lavrov aldınıraq Kiev rejimi 29-dekabr kúni túnde 91 dron járdeminde Putinniń Novgorod wálayatındaǵı rezidenciyasına terrorshılıq hújimi shólkemlestirilgenin aytqan edi. Barlıq ushıwshısız samolyotlar hawa qorǵanıw kúshleri tárepinen joq etilgeni atap ótilip, qurbanlar haqqında maǵlıwmat berilmegen.
– Kiev rejiminiń Prezident rezidenciyasına hújiminen soń AQSh qatnasıwındaǵı sóylesiwdi toqtatıw niyetinde emespiz, – degen Rossiya sırtqı siyasat uyımınıń basshısı. – Tek poziciyamız qayta kórip shıǵıladı.

S.Rahimov, ÓzA