Ózbekstan Respublikası Prezidentiniń 2025-jıl 19-sentyabrdegi PP-173-sanlı Pármanına muwapıq xalıqtı hám awıl xojalıǵın dizimge alıwǵa tayarlıq jumısları basqıshpa-basqısh ámelge asırılmaqta.

Usı múnásibet penen elimizdiń basqa aymaqlarında bolǵanı sıyaqlı, Qaraózek rayonında da máhálle jetiligi xızmetkerleriniń qatnasıwında ámeliy seminar ótkerildi.
Ilaj dawamında qánigeler tárepinen dizimge alıw basqıshları, sorawnamalar menen islesiw tártibi hám elektron sistema arqalı maǵlıwmat kirgiziw procesi boyınsha tolıq túsindirilip, qatnasıwshılarǵa respondentler menen pikirlesiw, sorawnamalardı toltırıwda itibarlı bolıw hám xalıqqa durıs maǵlıwmat jetkeriw boyınsha ámeliy kórsetpeler berildi.
Ótkerilgen ilaj dawamında qatnasıwshılar ózlerin qızıqtırǵan sorawlarına juwaplar aldı.

Qaraqalpaqstan xabar agentligi