Bolgariya XIX ásir aqırınan berli aylanısta bolgan levten waz keship, evronı óziniń rásmiy valyutası sıpatında qabıl etti.

Atap ótiliwinshe, yanvar ayı dawamında bolgar levi (BGN) evro menen teńdey aylanısta boladı, mámleket xalqı bankler hám pochta bólimlerinde levti evroǵa biypul almastırıwı múmkin. Fevral ayınan baslap bolsa evro mámlekettiń birden-bir nızamlı tólem quralına aylanadı.
– Evro Bolgariya xalqı ushın tólemlerdi ámelge asırıw hám sayaxat etiwdi ańsatlastıradı, biznes ushın jańa imkaniyatlar jaratadı, ulıwma birden-bir bazarımızdıń abzallıqlarınan jaqsıraq paydalanıw imkaniyatın beredi hám eń tiykarǵısı, bul tańlaw Bolgariyanıń Evropadaǵı hawazın jáne de kúsheytedi, – dedi Evropa komissiyası prezidenti Ursula fon der Lyayen.
Esletip ótemiz: 2025-jıl 4-iyun kúni Evropa Komissiyası Bolgariya evronı qabıl etiw normalarına tolıq juwap beretuǵının málim etken edi.

Ó.Alimov, ÓzA