Taxtakópir rayonlıq “Insan” sociallıq xızmetler orayı tárepinen xalıqtı sociallıq qollap-quwatlaw, puqaralar jıyınları aymaqlarında kompleks sociallıq xızmetler kórsetiwshi qánigelerdiń jumısı ushın zárúr sharayatlardı jaratıw jolında ámeliy jumıslar dawam etpekte.

Xızmet kórsetiw processlerin sanlastırıw, jumıs nátiyjeliligin arttırıw hám qánigelerdi zamanagóy texnika quralları menen támiyinlew maqsetinde, Taxtakópir rayon hákimligi tárepinen aymaqlardaǵı kompleksli sociallıq xızmet kórsetiwshi xızmetkerlerge zamanagóy kompyuterler tapsırıldı.
-Bul jańa texnikalar hújjetler menen islesiwdi jedel hám sapalı ámelge asırıw, xalıqtıń múrájatların óz waqtında kórip shıǵıw, sociallıq xızmetlerdiń sapasın arttırıw hám hárbir mútáj shańaraqqa mánzilli járdem kórsetiwge xızmet etedi, -deydi Taxtakópir rayonlıq “Insan” sociallıq xızmetler orayı direktorı Quwatbay Dáribaev.

Qaraqalpaqstan xabar agentligi