Házirgi waqıtta elimiz boylap Jańa jıl bayramı keypiyatı gezip, orınlarda bayram ilajları ótkerilmekte. Usınday kóterińki ruwxtaǵı ilajlar Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında da ótkerildi.

Bayram keshesin filial direktorı A.Esimbetov ashıp berip, kirip kiyatırǵan 2026-jıl menen barlıq ustazlardı, xızmetkerlerdi hám student-jaslardı qızǵın qutlıqlap, jaqsı tileklerin bildirdi. 2025-jıl filial ushın nátiyjeli, bereketli hám áhmiyetli jetiskenliklerge bay bolǵanın ayrıqsha atap ótti. Bilimlendiriwdiń sapasın arttırıw, ilimiy potencialdı bekkemlew, xalıqaralıq birge islesiwdi rawajlandırıw hám student-jaslardıń belsendiligin qollap-quwatlaw baǵdarlarında erisilgen nátiyjeler jámááttiń pidákerlik miynetiniń nátiyjesi, álbette.
Saltanatlı keshede bir qatar belsendi professor-oqıtıwshılarǵa hám xızmetkerlerge jańa jıl sawǵaları tapsırıldı. Sonday-aq, úsh nominaciya boyınsha jıldıń eń jaqsı oqıtıwshıları sıylıqlanıp, olarǵa diplom hám vaucherler tapsırıldı.
Bayram baǵdarlaması dawamında estrada kórkem óneri wákilleri tárepinen atqarılǵan koncert baǵdarlaması ilajǵa ayrıqsha payız baǵıshladı.

Á.Jiyemuratov,
Qaraqalpaqstan xabar agentligi