Hár jılı xalqımız jańa jıldı jaqsı niyetler menen kútip aladı. Bıyılǵı jılı da Qaraózek rayonında Jańa jıl bayramına jaqsı tayarlıqlar kórilip, shıraylı etip bezelgen shırsha átirapında shólkemlestirilgen «Prezident shırshası» ilajına aymaq xalqı menen kishkene balalarımız mirát etildi.

Tiykarǵı bayram seyilleri rayon orayındaǵı «Dem alıw baǵı»na shıraylı etip bezelip ornatılǵan shırsha átirapında ótkerilip, ilajda rayon hákimi Anvar Baymuratov hám nuranıylar aymaq xalqın jańa jıl bayramı menen qızǵın qutlıqlap, xalqımızǵa tınıshlıq, abadanlıq tilep, ótip baratırǵan jıldaǵı rayon jetiskenliklerine ayrıqsha toqtap ótti.
Kóterińki keypiyatta baslanǵan «Prezident shırshası» ilajı respublikamızǵa belgili estrada qosıqshılarınıń atqarıwındaǵı koncert baǵdarlaması menen dawam etti.

Adilbay Orazov,
Qaraqalpaqstan xabar agentligi sholıwshısı