Elimizdiń hár bir ornında bayram nápesi esip, jańa jıl ilajları bolıp ótpekte. Xojeli rayonında da jańa jıl aldınan balalarǵa Prezident sawǵaları saltanatlı túrde tapsırıldı.

Bayramǵa rayon hákimi J.Ermashev, Sociallıq qorǵaw milliy agentligi Qaraqalpaqstan Respublikası basqarmasınıń bólim baslıǵı A.Sulaymanov, rayon prokurorı A.Xalimov, Mámleketlik salıq inspekciyası baslıǵı A.Smamutov hám keń jámiyetshilik wákilleri qatnastı.
Shıǵıp sóylegenler húrmetli Prezidentimizdiń keleshegimiz bolǵan jas áwladqa, ásirese sociallıq qorǵawǵa mútáj bolǵan balalarımızǵa kórsetilip atırǵan ǵamqorlıǵı ayrıqsha atap ótildi hám de bársheni bayram menen qutlıqladı.
Bunnan soń, sociallıq dizimde bar bolǵan qáwenderlikke berilgen 38 balaǵa Prezident sawǵaları tapsırıldı. Bunday itibar hám sawǵadan balalar sheksiz quwanıshqa bólendi.

Qaraqalpaqstan xabar agentligi