Jańa jıl bayramı aldında Shımbay rayonına da balalarǵa arnalǵan Prezident sawǵaları jetip keldi. Bul sawǵalar balalar ushın tek ǵana sawǵa emes, al, olarǵa qaratılıp atırǵan mehir-itibardıń ayqın tımsalı bolıp esaplanadı.

Balalarǵa bayram sawǵaların tapsırıw máresiminde rayon hákimi Aybek Tajetdinov shıǵıp sóylep, ilaj qatnasıwshıların elimizge kirip kelgen jańa jıl bayramı menen qızǵın qutlıqladı hám balalarǵa Prezident sawǵaların saltanatlı túrde tapsırdı.
Ilaj dawamında jas áwladtıń kamalǵa keliwi hám olardıń aydın keleshegi jolında mámleketimizde ámelge asırılıp atırǵan jumıslarǵa toqtalıp, olardan nátiyjeli paydalanıw zárúrligin atap ótti..
Álbette, jas áwladlarımızǵa kórsetilip atırǵan bunday joqarı itibar hám ǵamxorlıq balalardıń qálbinde Watanǵa muhabbat hám keleshekke bolǵan isenimin jáne de bekkemleydi dep oylaymız.

Adilbay Orazov,
Qaraqalpaqstan xabar agentligi sholıwshısı