«Watansúyiwshilik aylıǵı» sheńberinde Qaraqalpaqstan Respublikası Bajıxana basqarması tárepinen atalıqqa alınǵan Nókis qalasındaǵı 31-sanlı ulıwma orta bilim beriw mektebinde bajıxana xızmetkerleri hám basqa da huqıq qorǵaw uyımları menen birgelikte «Ashıq esikler kúni» ilajı shólkemlestirildi.

Ilajdıń tiykarǵı maqseti – jaslardı Watanǵa sadıqlıq, xalqımız hám milliy dástúrlerimizget, bay tariyxıy-ruwxıy miyrasımızǵa húrmet ruwxında tárbiyalaw, olardıń bos waqıtların mazmunlı shólkemlestiriw hám áskeriy tarawǵa bolǵan qızıǵıwshılıǵın arttırıwdan ibarat.
Ilaj dawamında bajıxana xızmetkerleri tárepinen bajıxana tekseriwi procesinde paydalanılatuǵın zamanagóy texnikalıq úskeneler mektep oqıwshılarına kórsetildi. Oqıwshılar bul qurallardı jaqınnan kórip, ámelde sınap kóriw imkaniyatına da iye boldı. Bul olarda úlken qızıǵıwshılıq oyatıp, ózlerin qızıqtırǵan sorawlarǵa juwap aldı.

Qaraqalpaqstan xabar agentligi