Ózbekstan Respublikası Prezidentiniń 2021-jıl 9-avgusttaǵı «Jetim balalar hám ata-anasınıń qaramaǵınan ayırılǵan balalardı mámleket tárepinen qollap-quwatlawdıń jańa sistemasin engiziw ilajları haqqında»ǵı qararı tiykarında, elimizde mútáj jaslardı qollap-quwatlaw, olar ushın múnásip sharayatlar jaratıw baǵdarında keń kólemli jumıslar ámelge asırılmaqta.

Qarar tiykarında Jańa jıl bayramı aldınan moynaqlı Sartay Darkenov, bozatawlı Malika Awezbaeva hám kegeylishi Baxtıgúl Matjanovalarǵa rayon orayında jaylasqan kóp qabatlı turaq jaylardan barlıq qolaylıqlarǵa iye 2 xanalı jaydıń giltleri tapsırıldı.
Ilajda qatnasıwshılar, mámleketimizde jaslarǵa jaratılıp atırǵan imkaniyatlar, jaslar hárdayım Prezidentimizdiń turaqlı itibarında ekenligin, jaslardı hár tárepleme qollap-quwatlaw, olarǵa erkin turmıs ushın zárúr sharayatlar jaratıw mámleketlik siyasattıń tiykarǵı baǵdarlarınan biri ekenligi ayrıqsha atap ótildi.

Qaraqalpaqstan xabar agentligi