Mámleketimiz basshısı kapital bazarın ekonomikalıq ósiwdi xoshametlewshi áhmiyetli institucionallıq tirek sıpatında belgilep, global depozitariylerdi milliy fond bazarımızǵa alıp kiriw kerek ekenligin atap ótti.

Bunıń ushın xalıqaralıq finans shólkemleri menen islep shıǵılǵan “Kapital bazarı haqqında”ǵı jańa nızam joybarın tez pursatta qabıl etiw zárúr ekenligi atap ótildi.
Kurs ózgeriwi boyınsha qáwip-qáterlerdi azaytıw ushın jergilikli kompaniyalarǵa ishki bazarda da sırt el valyutasında obligaciya shıǵarıwǵa ruqsat beriledi.
Kelesi jılı kárxanalarımız birinshi márte xalıqaralıq bazarlarda da akciyaların jaylastırıwı múmkin boladı.
Ulıwma, kapital bazardı rawajlandırıw arqalı isbilermenlerge qosımsha 1 milliard dollar tartıw imkaniyatı jaratıladı.

ÓzA