Bala huqıqları boyınsha wákil (Balalar ombudsmanı) hám Jáhán ekonomikası hám diplomatiya universiteti arasında birge islesiw memorandumına qol qoyıldı.

Bul hújjet eki tárepleme óz-ara paydalı hám nátiyjeli birge islesiwdi rawajlandırıw, balanıń huqıqları menen erkinliklerin qorǵaw tarawına baylanıslı ilimiy hám ámeliy izertlewlerdi rawajlandırıwǵa xızmet etedi.
Sonıń ishinde, memorandum sheńberinde bala huqıqlarına baylanıslı jańa bilimler qáliplestiriledi hám universitet bilimlendiriw procesine engiziledi.
Analitikalıq jumıs alıp barıladı hám jańa ilimiy izertlewler bazası jaratıladı. Studentlerdi Balalar ombudsmanı ámeliyatına oqıw maqsetinde tartıw arqalı real keysler tiykarında olarda ámeliy tájiriybe qáliplestiriledi. Yuridikalıq klinika negizinde ámeliy treningler shólkemlestiriw arqalı bala huqıqları boyınsha maman kadrlar tayarlanadı.
Universitet negizinde “Balalar ombudsmanı klubı” shólkemlestiriledi. Bala huqıqlarına baylanıslı analitikalıq, oqıw hám metodikalıq ádebiyatlar tayarlaw, basıp shıǵarıw sıyaqlı ámeliy máselelerde óz-ara birge islesiwde islesiwge kelisip alındı.
Bunday birge islesiw bala huqıqların isenimli qorǵay alatuǵın maman kadrlar tayarlawǵa, jámiyetimizde balalar mápleriniń qorǵalıwın kúsheytiwge xızmet etedi.

ÓzA