Mámleketimiz basshısınıń Oliy Majlis hám xalqımızǵa Múrájatı dawam etpekte.

Ekinshi tiykarǵı baǵdar – ekonomikanı texnologiyalıq hám innovaciyalıq ósiw modeline ótkeriw.
– Dúnya kóleminde báseki barǵan sayın kúsheyip atırǵan házirgi sharayatta tek ǵana joqarı qosımsha qunlı ónim islep shıǵaratuǵın mámleketler ǵana dúnya bazarında óz ornına iye bolmaqta.
Sonıń ushın ekonomikanıń barlıq tarawlarında joqarı nátiyjelilikke erisiw keleshekte reformalarımızdıń baslı ólshemi bolıwı shárt,-dedi Prezidentimiz.
Máselen, sanaatta joqarı texnologiyalı hám az energiya qollanatuǵın tarmaqlardıń rawajlandırılıwı esabınan usı jılı 1 dollar ónim ushın jumsalatuǵın janılǵı-energiya muǵdarın 13 procentke azaytıwǵa erisildi.
Sonlıqtan, 2030-jılǵa shekem jalpı ishki ónimniń kólemin 240 milliard dollardan arttırıw ushın eń durıs jol – barlıq tarawlardı texnologiyalıq hám innovaciyalıq ósiw modeline ótkeriw ekeni atap ótildi.
Bul kelesi jıllarda ekonomikalıq rawajlanıw strategiyasınıń tiykarǵı baǵdarı bolatuǵını belgilendi.

ÓzA