Tashkent qalasındaǵı Student hám oqıwshılardıń jámiyetlik belsendiligin arttırıw orayında “Huqıq bilimdanları” respublikalıq bilimler jarısınıń juwmaqlawshı final basqıshı bolıp ótti. Belgilengen Rejege muwapıq, qatnasıwshılar tańlawdıń final basqıshı shártlerinde test sorawları hám shıǵarma jazıw boyınsha óz-ara bellesti. 1-shárt juwmaqlanǵannan soń qatnasıwshılardıń test nátiyjeleri tóreshiler quramı tárepinen tekserilip, nátiyjeler járiyalandı hám apellyaciya procesi ótkerildi.

Juwmaqlawshı nátiyjelerge bola, birinshi orındı Berdaq atındaǵı Qaraqalpaq mámleketlik universitetiniń studenti Gúljamal Joldasbaeva iyelewge miyasar boldı.
Ekinshi hám úshinshi orınlar Úrgenish mámleketlik universitetiniń studenti Bibijan Saibbaeva hám Huqıqtı qorǵaw akademiyasınıń studenti Rayxana Abrikulovaǵa nesip etti.
Ótkerilgen ilaj juwmaǵında jeńimpazlar Joqarı bilimlendiriw, ilim hám innovaciyalar ministrligi tárepinen 6, 5 hám 4 million sum muǵdarında aqshalay sıylıqlar menen sıylıqlanadı.

Adilbay Orazov,
Qaraqalpaqstan xabar agentligi sholıwshısı.