Búgin, 25-dekabr kúni Nókis qalalıq Jaslar orayı imaratında Prezident sawǵaların tapsırıwǵa arnalǵan ilaj ótkerildi.

Ilajǵa ámengerlik hám qáwenderlikke alınǵan hámde ata-anası watanımız shegaraların qorǵawda qurban bolǵan balalar, shańaraqlıq mehribanlıq úyi tárbiyalanıwshıları mirát etildi.

Qaraqalpaqstan Respublikası Joqarǵı Keńesiniń Baslıǵı Amanbay Orınbaev balalardı hám olardıń qáwenderlerin jańa jıl bayramı menen qutlıqladı hám Prezidentimizdiń sawǵaların tapsırdı.
Bayram shıraylı etip bezelgen shırsha átirapında Ayaz ata menen Qarqız, túrli ertek qaharmanları qatnasıwındaǵı teatrlastırılǵan tamashalar menen dawam etti.
Prezident sawǵaların tapsırıw ilajları barlıq qala hám rayonlarımızda dawam etpekte.

Qaraqalpaqstan xabar agentligi