Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında “Korrupciyasız keleshek!” súreni astında korrupciyaǵa qarsı gúresiw máselelerine baǵıshlanǵan ushırasıw bolıp ótti.

Ushırasıwdı filial direktorınıń jaslar máseleleri hám ruwxıy-aǵartıwshılıq isleri boyınsha birinshi orınbasarı X.Abdijaliev ashıp, korrupciyaǵa qarsı qatań múnásibetti qáliplestiriw, jaslar arasında huqıqıy sana-sezim hám juwapkershilikti arttırıw búgingi kúnniń eń áhmiyetli wazıypalarınan biri ekenin atap ótti.
Ilaj dawamında Qaraqalpaqstan Respublikası Ádillik ministrliginiń korrupciyaǵa qarsı ishki qadaǵalaw boyınsha bas másláhátshisi J.Bekimbetov hám Insan resursları sektorınıń bas másláhátshisi A.Xojanov shıǵıp sóylep, korrupciyanıń jámiyettiń rawajlanıwına unamsız tásiri, onıń aldın alıwda huqıqıy mexanizmler hám mámleket hám jámiyet aldındaǵı juwapkershilik máselelerine tolıq toqtap ótti.
Student-jaslar qánigeler tárepinen bildirilgen pikir-usınıslarǵa múnásibetin bildirip, ózleriniń qızıqtırǵan sorawlarına tolıq juwap aldı.

Qaraqalpaqstan xabar agentligi