Bajıxanada huqıqbuzarlıqlarǵa qarsı profilaktika kúni múnásibeti menen “Nókis-Aeroport” hám “Xojeli” shegara bajıxana postlarında bajıxana xızmetkerleri tárepinen post arqalı háreketlengen puqaralar menen profilaktikalıq ilajlar ótkerildi.

Post xızmetkerleri bajıxana tarawı ushın áhmiyetli nızamshılıq talapları, huqıqbuzarlıqlardıń aldın alıw, kontrabandalıq hám nızamsız tovarlardı alıp kiriwge qarsı gúresiw boyınsha ámeliy túsinikler berildi.
Ushırasıwlar dawamında Ózbekstan Respublikası Prezidentiniń usı jıl 17-dekabrdegi “Bajıxana hákimshiligi hám sırtqı sawda tártiplerin jáne de ápiwayılastırıw hám nátiyjeliligin arttırıw ilajları haqqında”ǵı pármanı qabıl etilgenligi, párman menen shegara ótkeriw punktlerindegi qadaǵalaw tártip-qaǵıydaların jetilistiriw baǵdarında engizilgen qaǵıydalar tuwralı maǵlıwmatlar berildi.
Onda shegara áskerleri tárepinen shaxslardı pasport qadaǵalawınan ótkeriwde tómendegi tiykarlarǵa bola bajıxana uyımların xabardar etiw ámeliyatı jolǵa qoyılatuǵınlıǵı atap ótildi, yaǵnıy, bajıxana uyımları málimleme sistemasında shaxstıń bajıxana qadaǵalawındaǵı avtotransport quralı bar ekenligi haqqında maǵlıwmat bolsa, shaxs bajıxana haqqındaǵı nızam hújjetlerin buzǵanlıǵı yamasa buzıw qáwpi bar bolsa xabardar etiwi kerek.
Bajıxana xızmetkerleriniń lawazım wákilliginen materiallıq yamasa materiallıq emes máp esesine paydalanıw, dámegóylik jaǵdaylarına dus kelse, Bajıxana komitetiniń 11-08 hám Qaraqalpaqstan Respublikası Bajıxana basqarmasınıń +99861 224-90-86 isenim telefon nomerlerine qońıraw etip, xabar beriwi soraldı.

Qaraqalpaqstan xabar agentligi