Bozataw rayonındaǵı 7-sanlı ulıwma orta bilim beriw mektebinde Mártlik mektebi oqıwshıları menen «Komandir hám jaslar ushırasıwı» bolıp ótti.

Onda rayon hákimi B.Ubbiniyazov, Arqa-batıs áskeriy okrugi sárkardası, polkovnik R.Raxmanov hám rayon prokurorı J.Ashirbaevlar qatnasıp, mektep oqıwshıların elimizge kirip kiyatırǵan jańa jıl menen qutlıqladı. Sonday-aq, ushırasıwda tiykarınan mektepte oqıw jılı dawamında ámelge asırılǵan ilajlar, erisilgen jetiskenlikler hám keleshektegi rawajlandırıw rejeleri hár tárepleme dodalandı hám bilimlendiriw procesinde áskeriy-Watansúyiwshilik baǵdarında alıp barılıp atırǵan jumıslar ayrıqsha atap ótildi.
Ushırasıwda jaslar ózlerin qızıqtırǵan sorawlarına juwaplar alıp, bir qatar belsendi jaslar Arqa-batıs áskeriy okrugi tárepinen sıylıqlandı.
Bunnan soń, Arqa batıs áskeriy okrugi áskeriy xızmetkerleri tárepinen kórgizbeli jawıngerlik shınıǵıwlar kórsetilip, áskeriy orkestr jámáátiniń atqarıwında koncert baǵdarlaması qoyıp berildi. Ótkerilgen bul ilaj oqıwshı jaslardıń erteńgi aydın keleshekke degen isenimin bekkemlep, olardıń yadında umıtılmas tásirler qaldırdı.

Adilbay Orazov,
Qaraqalpaqstan xabar agentligi sholıwshısı