Cońǵı jıllarda Yaponiya hám Ózbekstan qatnasıqları jáne de rawajlanıp, joqarı dárejedegi sóylesiwler jedellesip barmaqta.

Eki tárepleme isenimli qatnasıqlardıń kólemi Oliy Majlis Nızamshılıq palatasınıń Spikeri Nuriddin Ismoilov hám Yaponiyanıń Ózbekstandaǵı Ayrıqsha hám tolıq huqıqlı elshisi Kendzi Xirata ushırasıwında ayrıqsha atap ótildi.
Ushırasıwda hár eki mámleket basshılarınıń háreketleri menen óz-ara birge islesiw sapa jaǵınan joqarı basqıshqa kóterilgeni atap ótildi.
Elshi Ózbekstanda ámelge asırılıp atırǵan reformalardı joqarı bahalap, Prezident Shavkat Mirziyoevtiń usı jıl 18-20-dekabr kúnleri Yaponiyaǵa rásmiy saparı eki mámleket arasındaǵı kóp tárepleme qatnasıqlardı sapa jaǵınan jańa basqıshqa alıp shıqqanın ayrıqsha atap ótti. “Yaponiya Ózbekstandı regiondaǵı bekkem strategiyalıq sheriklik poziciyasında kóriwden mápdar”, dedi ol.
X.Kendzi Ózbekstan Respublikası Prezidentiniń Yaponiyaǵa saparı tabıslı bolǵanın, bul sapar etiw baylanıslardıń jańa dáwirin baslap bergenin atap ótti. Onıń pikirinshe, Ózbekstan jetekshisiniń “Oraylıq Aziya + Yaponiya” qarım-qatnasınıń birinshi sammitinde alǵa qoyǵan usınısları regionnıń turaqlı rawajlanıwı ushın oǵada áhmiyetli.
Ózbekstan jetekshisiniń sapar etiw waqtındaǵı barlıq ushırasıwları, sonıń ishinde, Yaponiya Parlamenti basshıları menen sóylesiwleri eki mámleket nızamshılıq uyımlarınıń birge islesiwin bekkemlewge xızmet etedi.
Doslıq hám konstruktivlik ruwxta ótken sóylesiwde doslıq toparlarınıń rolin kúsheytiw, nızam dóretiwshiligi tarawında tájiriybe almasıw, parlament komitetleri arasında birge islesiwdi keńeytiw áhmiyetli máseleler sıpatında atap ótildi.

M.Komilova,
ÓzA