Qaraqalpaqstan Respublikası prokurorı Sh.Aminovtıń Ámiwdárya, Beruniy, Tórtkúl hám Ellikqaladaǵı jaslar ushın ashıqtan-ashıq sóylesiw túrinde “Prokuror hám jaslar” ushırasıwı bolıp, bul ilajǵa respublikanıń juwapker ministrlik, mákeme hám shólkem basshıları jáne 300 ge shamalas jaslar tartıldı.

Ilajǵa usı aymaqlardan prokurorlardıń qáwenderligine alınǵan jaslar tolıq qamtıp alındı.
Jaslardıń múrájatları tiykarında, isbilermenlik hám óndirislik jumısın jolǵa qoyıwı ushın 22 jasqa jeńilletilgen kredit ajıratıw máselesi ornında sheshilgen bolsa, 6 jasqa ózin-ózi bánt etiwi ushın jumıs quralları berildi, 6 jasqa joqarı bilimlendiriw mákemelerinde bilim alıwı ushın kontrakt pulların tólep beriliwine járdemlesiw belgilendi, 30 ǵa shamalas múrájatlardı úyreniw ushın múddet talap etilgeni sebepli, qadaǵalawǵa alındı.
Ilajda óz miynet jolın nátiyjeli shólkemlestirgen hám jaslardı qollap-quwatlaw, mashqalaların sheshiwde belsendilik kórsetken bir qatar jaslar jetekshileri jáne Jáhán hám Aziya jarıslarınıń jeńimpazlarına minnetdarshılıq xatları hám estelik sawǵaları tapsırıldı.
Sonday-aq, jaslarǵa biznes joybarların dúziw hám ámelge asırıwǵa járdemlesiw maqsetinde, Sawda-sanaat palatası, kommerciyalıq bankler tárepinen seminar shólkemlestirildi, ónermentshilik penen shuǵıllanıwshı jaslardıń qol miyneti menen tayarlanǵan ónimleriniń kórgizbesi, kórkem gimnastika sport túri boyınsha dógerek jumısı menen tanıstırıldı, jas gimnastikashılarǵa bayram sawǵaları tapsırıldı.

Qaraqalpaqstan xabar agentligi