Qaraqalpaqstan Respublikası Pedagogikalıq sheberlik orayında “Úzliksiz kásiplik rawajlandırıw: jıl juwmaǵı hám nátiyjeleri, keleshek perspektivaları” atamasında baspasóz konferenciyası bolıp ótti.

Ilajda Qaraqalpaqstan Respublikası Pedagogikalıq sheberlik orayı basshıları, kafedra, bólim baslıqları hám ǵalaba xabar qurallarınıń wákilleri qatnastı.
Baspasóz konferenciyasında 2025-jılı úzliksiz kásiplik rawajlanıw sistemasında ámelge asırılıp atırǵan reformalar, erisilgen nátiyjeler hám keleshektegi tiykarǵı wazıypalar haqqında tolıq maǵlıwmat berildi.
Sonıń ishinde, pedagog kadrlardıń kásiplik potencialın arttırıw, zamanagóy texnologiyalar tiykarında qánigelik arttırıw processlerin jetilistiriw, sanlı texnologiyalardı engiziw baǵdarında alıp barılıp atırǵan jumıslar ayrıqsha atap ótildi.
Sonday-aq, baspasóz konferenciyası dawamında ǵalaba xabar qurallarınıń wákilleri tárepinen berilgen sorawlarǵa hár tárepleme juwap berildi.

Qaraqalpaqstan xabar agentligi