Usı jıl dawamında Texnikalıq tártipke salıw agentligi xalıqaralıq birge islesiwdi rawajlandırıwǵa ayrıqsha itibar qarattı. Nátiyjede bir qatar sırt mámleketler hám abıraylı xalıqaralıq shólkemler menen óz-ara paydalı baylanıslar jańa basqıshqa kóterildi.

Atap aytqanda, AQSh, Germaniya, Malayziya, Sloveniya, Slovakiya, Franciya hám Qıtay mámleketleri menen, sonday-aq, Germaniyanıń PTB, Koreya Respublikasınıń KOICA, KATS, KIAT, KATRI, KOTITI, Túrkiyanıń TIKA, Qıtaydıń SAMR, SAC, CTC, CCIC, HENAN sıyaqlı abıraylı shólkemleri menen birge islesiw qatnasıqları jolǵa qoyıldı.
Sonıń menen birge, Xalıqaralıq sawda orayı (ITC), ISO, IEC, IQNet, SMIIC sıyaqlı jetekshi xalıqaralıq strukturalar menen birge islesiw jáne de bekkemlendi.
Malayziya, Sloveniya, Slovakiya, CHexiya, Iran, Iordaniya hám Qıtay menen joqarı dárejedegi sapar etiwler sheńberinde, sonday-aq, Germaniya, Koreya Respublikası, Ispaniya hám Shveycariya qatnasıwında ótkerilgen xalıqaralıq ilajlarda bir qatar eki tárepleme hújjetlerge qol qoyıldı.
Sawdadaǵı texnikalıq tosqınlıqlardı saplastırıw maqsetinde JSShǵa aǵza bolǵan 14 mámlekettiń Ózbekstandaǵı elshileri menen ushırasıwlar ótkerilip, birge islesiw perspektivaları dodalandı.
Áhmiyetli jetiskenliklerden biri sıpatında, “Ózbekstan ilimiy-sınaq hám sapa qadaǵalaw orayı” IQNet xalıqaralıq sertifikatlaw tarmaǵına aǵza boldı. Sonday-aq, Ózbekstan standartlar institutı IECEE sistemasınıń rásmiy aǵzası sıpatında qabıl etildi.
“Halal” milliy sertifikatlaw uyımı shólkemlestirilip, xalıqaralıq akkreditaciyadan ótti. Birinshi márte Tashkent qalasında SMIIC Bas Assambleyasınıń ótkeriliwi mámlekettiń abırayın jáne de arttırdı.
Bunnan tısqarı, IEC, ISO, IQNet, ShHT, MGS hám BIPM shólkemleri Bas Assambleya májilislerinde qatnastı. “Óztest” laboratoriyalarınıń jumısın jetilistiriw boyınsha xalıqaralıq juwmaqlar alındı, jergilikli kárxanalardıń ónimleri xalıqaralıq sınaqtan ótkerildi.
Sonday-aq, “Ónim hám xızmetler sapası tarawında erisken jetiskenlikleri ushın ǴMDA sıylıǵı” tańlawında Ózbekstan atınan 6 kárxana qatnasıwı ushın tiyisli hújjetler usınıs etildi.

Sh.Mamaturopova,
ÓzA