“Kapital bazarda investiciya ortalıǵın jaqsılawǵa baylanıslı qosımsha ilajlar haqqında”ǵı Prezident pármanı (PP-254-sanlı, 18.12.2025 j.) qabıl etildi.

2030-jılǵa shekem usı pármannıń tiykarǵı maqsetleri etip tómendegiler belgilendi, atap aytqanda:
– zamanagóy finanslıq instrumentlerdi engiziw arqalı fond bazarına 1 milliard AQSh dolları, sonıń ishinde, 5 trillion sumlıq korporativ obligaciyalar shıǵarılıwı esabınan qosımsha investiciyalardı tartıwǵa erisiw;
– kapital bazarı qatnasıwshılarınıń investiciyalarınıń qáwipsizligin kepillewshi mexanizmlerdi engiziw esabınan saplastırılatuǵın huqıqbuzarlıqlar úlesin 85 procentten arttırıw.
Pármanǵa bola, 2023-jıl 2-sentyabrdegi PQ-291-sanlı qararǵa muwapıq kapital bazarında engizilgen “Tártipke salıw qumtúbegi” arnawlı huqıqıy rejimi sheklenbegen múddetke ámel etedi.
Kapital bazarda Tártipke salıw qumtúbegi sheńberinde tómendegi huqıqlar beriledi, sonıń ishinde:
– Ózbekstannıń rezidentleri bolǵan yuridikalıq tárepler tárepinen Tártipke salıw qumtúbeginiń qatnasıwshısı statusın alıw;
– sırt elli qatnasıwshılarǵa, Ózbekstan rezidentleri bolǵan yuridikalıq táreplerge, sonıń ishinde, investiciya fondlarına olar tárepinen shıǵarılǵan hám olarǵa tiyisli bolǵan bahalı qaǵazlarǵa kastodial hám nominal saqlaw xızmetlerin kórsetiw;
– emitentlerge nızam hújjetlerinde belgilengen jaǵdaylarda óz kapitalı muǵdarınan artıq bolǵan korporativ obligaciyalardı támiynatsız shıǵarıw.

Qaraqalpaqstan xabar agentligi