Insan bar eken, tabısqa umtılıp jasaydı. Biraq oǵan hár kim de erise almaydı. Eriskenler bolsa erk-ıqrarınan hám jaqınlarınıń iseniminen kewli toq. Ashınarlısı sonda, salamat emes shańaraqlıq tárbiya hám ortalıq sebepli kóplegen insanlar óz potencialın júzege shıǵara almaydı.

Kópshilik rawajlanǵan mámleketler mentalitetine qaraǵanda, erkinlik hám erkin pikir birinshi dárejege qoyıladı. Yaǵnıy, hár qanday adamǵa qáte islew imkaniyatı beriledi. Biziń mentalitetimizde bolsa perzentler náresteliginen qátelespew basımı menen tárbiyalanadı. Aqıbetinde onıń ishki tileklerin tolıq júzege shıǵarıwǵa jol qoyılmaydı. Nátiyjede ol ózi ushın qolaysız turmıs tárizine, súymegen kásibine kónligiwge májbúr boladı. Bul bolsa onıń haqıyqıy potencialınıń óliwine alıp keliwi menen birge, erisiwi múmkin bolǵan jetiskenliklerine de tosqınlıq etedi.
– Geyde bizge maman kadrlar jetispeydi degen gáp esitiledi. Men bul pikirge qosılmayman. Kadrlarda hesh qanday ayıp joq, al hámme ayıp óz arzıw-niyetleri ushın olardı qurban etken ata-analarında hámme ayıp dep bilemen. Sebebi, hár kim óz tarawın súyse, onnan hesh qashan jaman qánige shıqpaydı, – deydi isbilermen hám oqıtıwshı Hamza Mirzaev.
Haqıyqatında da, tek qátelesiwden qorıqpaǵanlar ǵana tabısqa erisedi. Bunda islengen qátelerden durıs juwmaq shıǵarıw áhmiyetli. Tiykarında eń úlken qáte – qáte islewden qorqıw. Sonıń ushın perzent tárbiyasında olarǵa qáte islew imkaniyatın bereyik. Sebebi, olar ǵana adamdı kamalǵa jetkeredi.

Sherbek Islomov,
ÓzA