Erte báhárden atız maydanlarına shıǵıp jazı menen miynetin shegip, gúzgi qırmannıń bálent bolıwı ushın at salısatuǵın awıl xojalıǵı xızmetkerleriniń miynetleri hár qashan da maqtawǵa ılayıqlı. Húrmetli Prezidentimizdiń itibarı menen hár jılı dekabr ayında awıl xojalıǵı xızmetkerleri kúni belgileniwi dástúrge aylanıp, olardıń miynetleri ılayıqlı bahalanıp kelinbekte. Bul bayram kúni keshe respublikamızda joqarı dárejede shólkemleskenlik penen bolıp ótti.

Taqıyatas rayonında da awıl hám suw xojalıǵı tarawı basshıları, fermer hám diyqan xojalıqları basshılarınıń qatnasıwında “Awıl xojalıǵı xızmetkerleri kúni” múnásibeti menen ilaj bolıp ótti.
Ilajǵa Taqıyatas rayonı hákimi K.Aytbaev, Fermerler keńesiniń baslıǵı S.Bekbergenov hám taraw xızmetkerleri qatnastı.
Onda awıl xojalıǵı xızmetkerleriniń mashaqatlı miyneti arqasında qıyın sınaqlar hám klimat sharayatlarına qaramastan, joqarı nátiyjelerge erisilgeni keń túrde atap ótildi.
Sáne múnásibeti menen tarawda pidayılıq úlgisin kórsetip kiyatırǵan 6 fermer xojalıǵı basshılarına “Ilǵor fermer” kókirek belgileri tapsırılıp, awıl xojalıǵı xızmetkerlerine minnetdarshılıq bildirildi.

Qaraqalpaqstan xabar agentligi