Rossiya federaciyasınıń Qazan qalasında sporttıń Belbewli gúres túrinen jaslar arasında Jáhán chempionatı bolıp ótti.

Dúnyanıń otızdan aslam mámleketlerinen palwanlar qatnasqan bul chempionatta Ózbekstan saylandı komandası sportshıları 6 altın, 6 gúmis hám 24 qola medalın jeńip alıp, ulıwma komandalıq esapta ekinshi orınǵa ılayıq dep tabıldı.
Atap aytqanda, saylandı komanda quramında qatnasqan respublikamız palwanlarınan 52 kg salmaq kategoriyasında Shahlo Qalmuratova, 66 kg da Sevara Shajenovalar altın, 52 kg da Barno Qalmuratova gúmis medal iyesine aylandı.
Jas sportshılardı bul jarısqa Qaynarbek Sariev, Bókenbay hám Eset Sadwaqasovlar tayarladı.

Adilbay Orazov,
Qaraqalpaqstan xabar agentligi sholıwshısı.