Aq hám qara hámiyshe qaptallasıp jasaǵanı sıyaqlı átirapımızda túrli-túrli adamlar jasaydı. Biraq ayırım illetli adamlar bar, olardıń qılmısına kóz jumıp bolmaydı. Olar birewdiń haqqına kóz tigiwshiler.

Hár bir insanda ózine jarasa kemshiligi boladı. Birew ınjıq, birew ashıwshaq hám t.b. Biraq bular adamnıń ózine onsha baylanıslı bolmaǵan insanıylıq qásiyetler. Biraq, joqarıda atap ótkenimiz ózgeniń malına kóz tigiwshilerdi bolsa aqlap bolmaydı.
– Bazıda dúkannan óz tanısınıń pulınan sawda islep, soń úndemey ketkenlerge kózim túsedi. Eger házirgi waqıtta tólew imkaniyatı joq dese, túsinemen. Biraq bundaylardıń maqseti kópshilik jaǵdayda sol tanısınıń pulın qaytarmaw boladı, – deydi Humoyinjon Normatov.
Kórinip turǵanınday, bunday illetler hár kimniń aldınan shıǵıwı múmkin. Buǵan qarsı gúresiw álbette shańaraqtan baslanıwı maqsetke muwapıq.
“Ózgeniń malına názer taslaǵan ózine zıyan jetkeredi”, deydi ullı ilimpazlarımızdan biri Hakim Termiziy.
Juwmaqlap aytqanda, bunday nadurıslıq biziń milliy qádiriyatımızǵa da, isenimimizge de tán emes. Buǵan muqaddes kitaplarımızda da ayrıqsha itibar berilgen. Bizge arzımaytuǵın bolıp kóringen bunday illetler milletimizdiń keleshektegi rawajlanıwına tosqınlıq bolıwı múmkinligin seziniw kerek. Sebebi, qálegen mámleket haqqında onda jasap atırǵan xalıqlar mádeniyatı hám ruwxıylıǵı arqalı baha beriledi. Solay eken, ózimizge hám átirapımızǵa biypárwa bolmayıq.

Sherbek Islamov,
ÓzA