Usı jıldıń ótken 11 ayı dawamında 337,4 gektar jer ózbasımshalıq penen iyelep alınǵan, dep xabar bermekte Kadastr agentligi Qaraqalpaqstan Respublikası basqarmasınıń málimleme xızmeti.

Atap aytqanda, kadastr agentligi tárepinen ótken 2025-jıldıń 11 ayı dawamında 3358 jaǵdayda 351,2 gektarlıq jer orınları ózbasımshalıq penen iyelengeni anıqlandı.
Sonnan, 2358 mıń jaǵdayda (196,4 gektar) jer maydanı saplastırılıp, 1153 jaǵdayda (126,05 gektar) jer maydanın mámleketlik jer qorına qaytarıw maqsetinde Sudlarǵa dawa arzaları kirgizildi.
Qalǵan 71 jaǵdayda (5,8 gektar) jer maydanları huqıqbuzarlardıń háreketinde jınayat belgileri bolǵanı ushın qospa tártipke tiykarlanıp, Prokuratura uyımlarına tiyisli hújjetleri jiberildi.
Kadastr agentligi Qaraqalpaqstan Respublikası basqarması puqaralardı hám jerden paydalanıwshılardı jerlerdi ózbasımshalıq penen iyelep, nızamsız qurılıslardı ámelge asırıw hákimshilik hám jınayıy juwapkershilikke sebep bolatuǵınlıǵın eskertedi.

Qaraqalpaqstan xabar agentligi