Qaraqalpaqstan Respublikası Awıl xojalıǵı ministrliginde gezektegi apparat májilisi ótkerildi.

Májiliste Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı, Awıl xojalıǵı ministri Shuhrat Teshaev, ministrliktiń apparat xızmetkerleri, sonday-aq, awıl hám suw xojalıǵı sisteması boyınsha juwapker basshı xızmetkerler hám qánigeler qatnastı.
Májilistiń kún tártibine muwapıq, tiykarınan shólkemlestiriw máselesi kórip shıǵıldı. Sonıń ishinde, Qaraqalpaqstan Respublikası Awıl xojalıǵı ministriniń bos turǵan birinshi orınbasarı lawazımına Anvar Xalimbetovtı tayınlaw haqqındaǵı Ózbekstan Respublikası Awıl xojalıǵı ministriniń buyrıǵı oqıp esittirildi.
Usı buyrıqqa muwapıq, Anvar Xalimbetov Qaraqalpaqstan Respublikası Awıl xojalıǵı ministriniń birinshi orınbasarı lawazımına tayınlandı.
Tayınlawǵa shekemgi waqıtta Anvar Xalimbetov bir qansha juwapkershilikli lawazımlarda jumıs islep kelgen.

Qaraqalpaqstan xabar agentligi