Usı jıldıń 20-dekabr kúni Qaraqalpaqstan Respublikası Joqarǵı Keńesinde awıl hám suw xojalıǵı tarawı wákilleriniń qatnasıwında “Awıl xojalıǵı xızmetkerleri kúni” múnásibeti menen ilaj bolıp ótti.

Onda Qaraqalpaqstan Respublikası Joqarǵı Kenesiniń Baslıǵı Amanbay Orınbaev jıynalǵanlardı sáne múnásibeti menen qutlıqlap, jıl dawamında joqarı nátiyjelerge erisiwde, mol qırman jaratıwda awıl hám suw xojalıǵı tarawınıń barlıq buwındaǵı xızmetkerleriniń miynetleri ayrıqsha ekenligin atap ótti.
Atap ótilgenindey, awıl xojalıǵı ónimlerinen mol qırman úyiwde taraw pidayılarınıń mashaqatlı miyneti menen birge, Prezidentimiz tárepinen tarawǵa qaratılıp atırǵan ayrıqsha itibar, sonday-aq, Qaraqalpaqstan ushın óz aldına qabıl etilgen qararlar tiykarında jańadan alıp kelingen 2 mıńnan aslam texnika hám agregatlardıń úlesi ayrıqsha esaplanadı. Ótkerilgen ilajda mine, usınday iygilikli jumıslar keń túrde atap ótildi.
Bunnan soń, sáne múnásibeti menen bir topar taraw wákillerine Qaraqalpaqstan Respublikası Joqarǵı Keńesi Prezidiumınıń qararı menen «Ardaqlı nuranıy», «Ibratlı hayal», «Watan pidayısı» kókirek belgileri, sonday-aq, «Ilǵor fermer», «Wzbekiston Respublikasi qishloq xwjaligi fidoyisi», «Wzbekiston Respublikasi suv xwjaligi alochisi», «Wzbekiston Respublikasi veterinariya fidoyisi», «Wzbekiston Respublikasi chorvachilik fidokori» sıyaqlı kókirek belgileri, estelik sawǵaları tapsırıldı.

Qaraqalpaqstan xabar agentligi