Senat jalpı májilisinde “Oraylıq Aziya – Qıtay” formatı sekretariatı haqqındaǵı rejeni ratifikaciyalaw haqqında”ǵı nızam kórip shıǵıldı.

Nızam Oraylıq Aziya mámleketleri hám Qıtay arasındaǵı regionallıq birge islesiwdi bekkemlew, siyasiy sóylesiw, ekonomikalıq rawajlanıw, transport-kommunikaciya, investiciya, energetika, bilimlendiriw hám mádeniy-gumanitarlıq tarawlardaǵı óz-ara birge islesiwdi bunnan bılay da rawajlandırıwǵa qaratılǵan.
Rejede “Oraylıq Aziya – Qıtay” formatı sheńberinde sekretariattıń wazıypaları, mexanizmleri hám birge islesiw baǵdarları belgilengen. Atap aytqanda, sekretariat sherik mámleketler arasındaǵı kelisimlerdi muwapıqlastırıw, ámeliy joybarlardı nátiyjeli ámelge asırıw hám turaqlı qarım-qatnas platformasın qáliplestiriwde áhmiyetli orın iyeleydi.
Rejeniń ratifikaciyalanıwı Ózbekstannıń regionallıq integraciya processlerindegi qatnasın kúsheytip, aymaqlıq ekonomikalıq, investiciyalıq hám infrastrukturalıq, transport hám logistika baǵdarların rawajlandırıw, jańa koridorlar jaratıw hám sawda aylanısın arttırıwǵa xızmet etedi.
Senatorlar maqullaǵan nızam Ózbekstannıń regionallıq birge islesiwge baylanıslı baslamaların ámelge asırıw, “Oraylıq Aziya – Qıtay” formatı sheńberindegi konstruktivlik sóylesiw hám ámeliy sheriklikti bunnan bılay da kúsheytiwge xızmet etedi.

N.Abduraimova,
ÓzAnıń xabarshısı