Awıl xojalıǵı tarawı xızmetkerleri kúni bayramı múnásibeti menen agrar tarawı miynetkeshleriniń mámleketimizde azıq-awqat qáwipsizligin támiyinlewdegi xızmetine múnásip itibar qaratıw hám bahalaw, ruwxıy hám materiallıq jaqtan xoshametlew maqsetinde usı jıldıń 21-dekabr kúni Nókis qalası aymaǵındaǵı At shabar maydanında bayram ilajı hám tamashaları ótkeriledi.

Ilaj dawamında awıl xojalıǵı ónimleri kórgizbe-yarmarkaları, ruwxıy-aǵartıwshılıq, qayırqomlıq ilajları, sonday-aq, milliy sport túrleri boyınsha jarıslar, sonıń ishinde, at shabıs jarısları, palwanlar gúresi, arqan tartıs hám qoshqar dúgisi oyınları hám bellesiwler bolıp ótedi.
Bayram ilajları xalıq seyili túrinde dawam etedi.

Qaraqalpaqstan xabar agentligi