Ózbekstan Respublikasınıń qorǵanıwǵa kómeklesiwshi “Vatanparvar” shólkemi tárepinen Ellikqala rayonındaǵı oqıw sport texnika orayına zamanagóy avtodrom islep berildi.

Saltanatlı tapsırıw máresiminde “Vatanparvar” shólkemi Oraylıq keńesiniń basshıları, Arqa-batıs áskeriy okrugi sárkardalıǵı, rayon hákimliginiń juwapkerleri, jaslar, oqıtıwshılar hám keń jámiyetshilik wákilleri qatnastı.
Máresimde shıǵıp sóylegen juwapkerler jańa avtodromnıń iske túsiwi oqıw-klubda bilim alıp atırǵan jaslarǵa aydawshılıq qánigeligin zamanagóy talaplar tiykarında iyelew, qáwipsiz háreketleniw qaǵıydaların tereń ózlestiriw hám hár qıylı kategoriyadaǵı transport quralların basqarıwda ámeliy tájiriybe arttırıw imkaniyatın beretuǵının atap ótti.
Ilaj sheńberinde Ellikqala, Beruniy, Tórtkúl, Ámiwdárya, Qońırat hám Xojeli rayonları oqıw sport texnika oraylarına zamanagóy jeńil hám júk avtomobilleri tapsırıldı.
Ilaj sheńberinde áskeriy xızmetkerler tárepinen qoyıp berilgen kórgizbeli qol urısı bellesiwleri hám de áskeriy orkestr tárepinen atqarılǵan nama hám qosıqlar jıynalǵanlarǵa bayram keypiyatın baǵıshladı.

Qaraqalpaqstan xabar agentligi