Aral teńizi tariyxı hám Aralboyı aymaǵındaǵı jergilikli xalıqtıń turmısı haqqındaǵı hújjetli, qısqa metrajlı film dúnya xalıqları názerine usınıs etildi. “Whispers of the Aral Sea: A Story of Loss and Resilience” – “Aral teńiziniń sıbırlısı: joǵaltıw hám mártlik tariyxı” dep atalǵan bul kartina Birlesken Milletler Shólkeminiń Shólleniwge qarsı gúresiw boyınsha Konvenciyası (UNCCD) tárepinen Ózbekstan Respublikası Ekologiya hám klimat ózgeriwi milliy komiteti hám Qaraqalpaqstan Respublikası Ekologiya hám klimat ózgeriwi komiteti járdeminde jaratılǵan.

Maǵlıwmat ushın, 2023-jıl noyabr ayında Samarqand BMSh Shólleniwge qarsı gúresiw boyınsha konvenciyasınıń ámelge asırılıwın kórip shıǵıw komiteti (CRIC21) niń 21-sessiyasına basshılıq etken.

Qaraqalpaqstan xabar agentligi