Keshe Tashkenttegi Oraylıq Aziya xalıqaralıq institutında Evropa Awqamınıń elimizdegi elshisi Toyvo Klaardıń EA hám Ózbekstan qatnasıqlarına baǵıshlanǵan bayanatı tıńlandı. Ilaj instituttıń sırt el diplomatiyalıq wákilxanaları menen birge islesiwdi keńeytiwge qaratılǵan baǵdarlaması sheńberinde shólkemlestirildi.

Májiliste Ózbekstan hám Evropa Awqamı arasındaǵı birge islesiwdiń búgingi jaǵdayı hám perspektivaları dodalandı. Sonıń ishinde, Prezident Shavkat Mirziyoevtiń jaqında Bryusselge ámelge asırǵan saparınıń nátiyjeleri, “Evropa Awqamı – Oraylıq Aziya” formatı hám “CA+” baslamaları sheńberindegi sheriklikti rawajlandırıwdıń tiykarǵı baǵdarlarına itibar qaratıldı.
Májiliste EAnıń 2026-jılǵa mólsherlengen tiykarǵı baǵdarları, regionda turaqlı rawajlanıw, ekonomikalıq birge islesiw hám regionlararalıq baylanıslardı bunnan bılay da bekkemlew máseleleri boyınsha pikir alısıldı, sonday-aq, Toyvo Klaar tema sheńberinde qatnasıwshılardıń qızıqtırǵan sorawlarına juwap berdi.

D.Hakimov,
W.Hayitov (foto),
WzA