Mámleketimizde ámelge asırılıp kiyatırǵan «Baslamalı byudjet» baǵdarlaması tiykarında respublikamızdıń kóplegen orınlarında jollardı ońlaw isleri dawam etpekte.

Taqıyatas rayonı “Abat mákan” MPJ aymaǵındaǵı 4-mektep aldınan Ústirt kóshesiniń aqırına shekem asfaltlaw jumısları ámelge asırıldı. Qurılıs jumısları Qaraqalpaqstan Respublikası Aymaqlıq jollarǵa buyırtpashı xızmeti mámleketlik shólkemi buyırtpası tiykarında “Tórtkól Shaǵbaz Trans” JShJ tárepinen orınlandı.
Joybardıń orınlanıwına 8 arnawlı texnika, sonıń ishinde, 2 katok, 1 asfalt jatqarıwshı hám 10 jumısshı qatnastı. Bul qurılıs jumısları “Baslamalı byudjet” baǵdarlamasınıń 2025-jıl 2-máwsiminde jeńimpaz bolǵan joybar tiykarında ámelge asırıldı.

Qaraqalpaqstan xabar agentligi