Húrmetli Prezidentimizdiń baslaması menen Qaraqalpaqstan Respublikası hám Xorezm wálayatında jaylasqan ulıwma bilim beriw mákemeleriniń 1-4-klass oqıwshıların biypul awqatlandırıw boyınsha shıǵarǵan pármanı ayrıqsha áhmiyetke iye.

Pármanǵa tiykarlanıp Qaraqalpaqstan Respublikası hám Xorezm wálayatında tájiriybe-sınaq túrinde baslawısh klass (1 – 4-klasslar) oqıwshıların Ózbekstan Respublikasınıń Mámleketlik byudjeti qarjıları esabınan biypul awqat penen támiyinlew sistemasın engiziw názerde tutılǵan.
Ministrler Kabinetiniń “Qaraqalpaqstan Respublikası hám Xorezm wálayatında jaylasqan ulıwma orta bilim beriw mákemelerinde salamat awqatlandırıw sistemasın bunnan bılay da jetilistiriw ilajları haqqında”ǵı qararına tiykarlanıp, 2 keytering shólkemi tárepinen Beruniy rayonındaǵı Mektepke shekemgi hám mektep bilimlendiriwi bólimine qaraslı 71 ulıwma bilim beriw mektebiniń 1-klasstan 4-klasqa shekemgi oqıwshılarına keytering usılında sapalı awqatlar jetkerip beriledi. Jetkerilgen ónimlerdi mektep komissiyası aǵzaları tárepinen qabıl etiwde sertifikatları, menyuge sáykesligi, jaramlılıq múddeti hám sapası tekserilip, sonday-aq, Beruniy rayonı Sanitariyalıq-epidemiologiyalıq tınıshlıq hám jámiyet salamatlıǵı bólimi tárepinen hár ayda qadaǵalaw tekseriwleri ótkerip kelinbekte.

Qaraqalpaqstan xabar agentligi.